Ngayong araw nag-tatala ako ngayon sa aking “online public diary/journal” o sa ibang tawag – ang aking Blog, LITERANTADO.
Mahalaga ang bagong “blog-entry” na ito sa akin. Isang pam-personal na tala.
Hindi ko alam ang gagawin. Hindi ko alam kung bakit pa ako naapektuhan sa nakita ko, pero ang sigurado – may tusok sa puso ko kung ano man iyong nakita ko ngayong araw.
May ibang “Blog-entry” sana akong i-po-post dito ngayon na makabuluhan ngunit naudlot ito sanhi nga ng aking nakita. At gusto kong i-post ang tina-type ko ngayon dito bilang mag-silbing “backtrack” ng aking kasaysayan. Para pag-dating ng hinaharap na matanda na ako, maaari ko pang mabasa ang kasaysayan ko na tumatak sa aking damdamin (<- ang drama).
Ano ba ang nakita ko?! Tungkol lamang naman ito sa nakita ko sa “Friendster Account” ko!
____________________________________________________________________________________
____________________________________________________________________________________
Istorya:
Habang nababagot ngayong tag-init, nagkakalikot lang ako ng mga “Social Accounts” ko tulad ng Friendster, Facebook, atbp. Nakita ko yung dating ka-“MU” ko sa “Friends List” ng Friendster ko, yung ka-MU ko itago na lamang natin sa pangalang “Det”.
NOTE: MU – Mutual Understanding
Nalaglag ang aking puso pati laman-loob ko sa nakita ko. Nakita kong – “MAY ANAK NA SIYA?!”. Totoo pala ang ibinalita sa akin ng aking ka-tropa dati sa pamantasang pinasukan namin, naging kaklase ko doon si “Det”. Ibinalita niya sa akin noong taong 2007 lamang na buntis si “Det”. Hindi ko sineryoso ang sinabi niya dahil alam kong inis itong lalaking ‘to kay “Det”.
Nang mga nakalipas na buwan, nang taong ring iyon (around 2006-2007), nakita kong nag-Online si “Det” sa “Yahoo Messenger”. Diretsa kong kinumpirma kung buntis ba talaga siya o hindi. Tinanong niya ako kung sino ang “nag-sasabing buntis” siya, sabi ko “basta isang dati kaklase rin” tanda ko pa ang aking pagkakasabi. Sabi niya sa akin hindi siya buntis, at BUSY siya sa work (nasa opisina siya noong oras na iyon), iniwan ko na siya sa parteng iyon at hindi na nangulet pa, baka ako’y nakaka-abala na.
Hindi doon natapos ang pag-tatanong ko, dahil hindi ako kumbinsido. Nagtanong ako sa kanyang ka-opisina, na kaklase ko rin dati. Tinanong ko kung buntis nga ba siya? Wala akong natanggap kundi pag-tanggi rin niya na buntis nga si “Det”. Pati mismo sa kabarkada ko na kabarkada niya pa rin ngayon, hindi ko akalain hindi ako sinagot ng matinong “HINDI”. Bakit pa itatago sa akin, di naman na “kami” ah, tanggap ko na na mayroon na siyang ibang ka-relasyon, ka-MU ko lamang siya dati (hindi “declared” as mag-shota iyon) at . . . minahal ko siya . . . tapos na ‘yon . . . madaling natapos sa pribadong kadahilanan (hindi ninyo dapat malaman pa).
Pa-minsan-minsan, nangangamusta siya via “Yahoo Messenger” kapag naaabutan niya akong mag-Online ng mga panahong iyon, miski ngayong taon ngunit madalang siya mag-Online sa “Yahoo Messenger” kaya’t madalang rin ang kwentuhan.
____________________________________________________________________________________
____________________________________________________________________________________
Sino si “Det”:
*intermission*
THEME: #Maala-ala Mo Kaya# (<- lakas-trip lamang ito. ^_^ )
Taong 2006 pa nang maging . . . nang maging MU kami. Marami siyang naka-relasyon. Noong dumating ang oras na na wala na siyang karelasyon, nalapit ako sa kanya. Para siyang “magnet” na awtomatikong humuhugot ng lalaki. Tandang-tanda ko pa ang mga araw na sinasabihan ako ng mga kaklase ko, na di ko malaman kung “Devil’s Advocate” o “Angel’s Advocate” yung mga iyon – na layuan ko raw si “Det”, lolokohin lang raw niya ako. Ibang klase, babae pa manloloko sa akin?
Maganda si “Det”, kaso hindi pwede maging “kami” at hindi ko na ginusto maging “kami” kahit medyo naging “kami” dati-rati. . . (masyado ng mahaba ang entry sa blog kong ito, ayoko nang ikwento pa ang tungkol sa nakaraan.)
*intermission*
THEME: #Friend of Mine# (<- lakas-trip lamang ito. ^_^ )
Nag-daan ang panahon, nakapag-tapos kami sa maikling panahon (2-year course yung kinuha kong kurso, kaklase ko sila). Nag-kahiwalay na ng landas. Nag-palamig ng ulo. Gumustong lumimot sa nakaraan. Nag-sadya ako sa bagong pamantasan at dito na lumipat. Sila naman ay nagsipag-trabaho na miski hindi sapat ang 2-year course para ipamukha sa mga kumpanya.
Lumipas ang panahon – araw, buwan, planeta, taon. Binalak kong bumalik sa kanya sanhi nang naaalala ko pa ang itsura niyang tsinita’t puting kulay at tamang pangangatawan ng isang tipikal na dalagita. Maraming lalaki ang nag-kakandarapa sa kanya at iyon ang problema ko – ang SELOS. Mataas ang aking kapalaloan kaya’t hiniwalayan ko siya at hindi ipinaglaban ang relasyong “mamumuo” sana. Ngayon alam mo ang dahilan kung bakit kami ay hindi “kami”.
____________________________________________________________________________________
____________________________________________________________________________________
Ang Nakita ko sa FOTO ALBUM ni “Det” Ngayon:
- Isang kyut na batang sanggol (dating kuha, ngayon lamang niya in-UPLOAD, ngayon ko lamang nakita at nagulat ako)
- Ang asawa niyang nagmukha ng tatay
- Ang anak niyang 2-years old na ‘ata ngayon (ang bilis ng panahon, ngayon ko lamang nakita at nagulat ako)
____________________________________________________________________________________
____________________________________________________________________________________
Pag-iisip ko: Ang Hindi Katanggap-tanggap:
- Hindi ko matanggap kung bakit hindi niya pa inamin sa akin noong mga panahong iyon na totoong buntis siya.
- Hindi ko matanggap na hindi niya ako sinabihan na nanganak na siya sa kabila na nag-y-YM siya minsan at kinakamusta ako!
- At lalong-lalo na hindi ako sinabihan ng ibang kabarkada niya na kabarkada ko rin at minsan nakakausap ko pa sa text at YM – na buntis at nanganak na nga si “Det”!
____________________________________________________________________________________
____________________________________________________________________________________
_________________________________________________________________
Pribadong-buhay: Hindi ko ipi-post ang kaniyang FRIENDSTER PROFILE rito, bilang respeto ito sa kaniyang pribadong buhay. Tanging mga kaibigan at dating kaibigan na maaaring makabasa nito lamang ang makaka-alam sa kung ano ang pinag-sasabi ko rito.
Nagustuhan mo ba ang theme song sa pinag-susulat ko o Naumay ka ng husto?
Mga theme-songs sa istorya! Available for download:
Maala-ala Mo Kaya by Nora Aunor
Friend of Mine by Lea Salonga
Filed under: § BUNGAD (Lahat ng Blog-Entries), § PANG-ARAW-ARAW NA KATAUHAN | Tagged: buntis, friendster, love story, mu, mutual understanding, nakaraan, personal | 3 Comments »
Literantado 