Anunsyo mga bloggers! Bukas na! Bukas na ang 59th Carlos Palanca Memorial Awards for Literature (may 43 na araw na lamang ang nalalabi magmula ngayon, bago ang deadline of submission: April 30, 2009)
Marahil pamilyar na kayo kung ano ito, pero kung hindi pa, ituloy lamang ang pagbabasa . . .
Di mo pa ba talaga alam ang prestihiyosong patimpalak na ito? Hindi nabanggit sa Literatura/Panitikan subject mo? Puwes, basahin ang maikling deskripsiyon kung ano ang patimpalak na ito.
Ang Don Carlos Palanca Memorial Award ay isang prestihiyosong patimpalak para sa mga manunulat, baguhan man o beterano, elitista man siya o sadyang propesyunal na sa sulat-panitikan sa genre na kahit anong gusto niyang maisulat.
Sa pagkakaalam ko, ito lang ang nag-iisang patimpalak-para-sa-panulat na matanda nang nabubuhay sa Pilipinas. Hindi sa, siya lang ang gumagawad ng patimpalak sa panulat sa Pilipinas, alam kong meron pang ibang patimpalak liban sa Gawad Palanca. Yung ibang patimpalak na alam mo o ako na tinutukoy ko, yung minorya lang at patay-sindi, tulad ng maliit na patimpalak sa baranggay, mga ganoon. Eh, ang Palanca Award, IBAHIN mo ito! Bigating patimpalak ito, at talaga namang nakakasabik magpasa, may tiyansa ka kahit anong propesyon mo, kahit pa estudyante ka lang.
Kahit sino pwede sumali basta magaling sumulat, di lamang basta magaling sumulat, rapat na mapanlikha ang sulat at may bagsak sa puso ng mga mambabasa. Kaya naman, tinutulak ko kayong mga mambabasa o kapwa man bloggers ko na nakahanap nito, na subukan na ang galing dahil kaunting oras na lang ang nalalabi (ngayong sinulat ko ito), may 43 araw pa naman bago ang dealine, kaya’t mag-isip-isip na. Maraming dibisyon ang pagsasalihan sa Gawad Palanca, mayroong Maikling Kwento, Sanaysay (my peborit), Tula, Tulang Pampelikula, atbp.
Nota: Ang kategorya para sa Nobela ay sa 2011 pa ang entrada, wala para sa taon ngayon.
Miski ako ay may ambisyon lumahok at mag-pasa, kaya naman mayroon akong entry na ginagawa ngayon. Mga 3 entry. (WISH KO LANG!). Pangarap ko ito eh. Ehem, ehem, ano iniisip ninyo? Nakatingin ako sa’yo: (Mambabasa). Kung sa tingin mo ay ganitong moda ng pag-susulat ang gagamitin ko sa entry ko, ay nagkakamali ka, ‘wag mo asahan na pwede ang ganitong moda sa entry, hindi ganito ang uri na makakapagpanalo sa puso ng mga hurado duun.
Napili kong i-anunsyo sa blog ko ito para mabatid ninyo (sa mga di pa nakakaalam o napadaan lang) na may ganitong patimpalak, at para na rin magamit ninyo ang husay ninyong mag-type/sumulat sa blog ninyo. Hangarin ko lamang na magkaroon kayo ng interes sa patimpalak na ito, upang lumaganap ang husay ng Pilipino pagdating sa panitikan. Kung ‘di ninyo natatanong sa inyong mga sarili, ang Blogging ay maituturing na rin na panitikan, isang modernong sulat-panitikan, typee-panitikan pwede na rin, kasi nag-ta-type kayo eh. Kaya sali na!
Para sa buong impormasyon sa pag-lahok sa Gawad Palanca, i-klick ang logo sa ibaba:
At para naman sa konkretong kahulugan, pumunta na lamang sa pooksasapot na ito: Gawad Palanca
Filed under: -> Anunsyong Marahil Mahalaga Sayo, -> Balita na Wala (yata) sa Iyong Kabatiran, § BUNGAD (Lahat ng Blog-Entries), § NORMAL At PORMAL NA ENTRADA | Tagged: 59th palanca awards, anunsiyo, carlos palanca memorial awards for literature, gawad palanca 2009, ika-59 gawad palanca, literatura, palanca awards, palanca awards 2009, panitikan | 1 Comment »