Ang May-akda ay Lumipat na sa Literateknolohitura

Pumunta sa bagong pooksasapot:

http://www.literateknolohitura.com/

Maraming salamat sa mga taga-subaybay.


Otakore Literantadodist

Literantado has joined the National Novel Writing Month (NaNoWriMo)

Reference Link:

NaNoWriMo 2009

FilipinoWriters

_______________________________________________

Join and prove your writing will. ^_^

Hirap ng Isang Mag-aaral Tugon sa Sarap ng Kapwa Mag-aaral



Ako’y May nararamdaman
Ako Lamang ang nakadarama.
Naririto ang Bigat
Di niyo ito Mabubuhat.

Ito ang Aking Nadarama, Pero,
Ang Inyong Panrama, Nakasarado.
Di niyo Alintana ang Runong
Ng inyong Kaklaseng Marunong.

Walang Nakakaintindi sa Akin.
Walang Makaintindi sa Akin.
Hindi ninyo Danas ang Nararanasan
Ng Karanasang di ko Maparausan.

Hindi ko na Kakayanin Pa’ng Hirap.
Hirap na Hirap na ako
Sarap na Sarap naman kayo.
Hirap at Sarap di ko na matimbang.

Maramdaman ko sanang Kakayanin ko ‘to
Darating ang Panahong Mararanasan niyo rin ito!
Ang Kinahihirapan kong Taong Nagdating dito sa buhay ko,
Madama niyo rin sanang Kayanin Pagdating nito sa inyo!



Patay muna ang Literantado

Isa itong anunsyo.

Pansamantala ko munang iiwan ang blog Literantado hanggang Hunyo 27.

Marami akong mga pinaplano, ginagawa, at mga hinaharap na gagawin pa sa buhay ngayon kaya’t pangunahing prayoridad ko munang tapusin iyon hangga’t maaari.

Para hindi mabagot ang bibisita kahit wala ang may-akda ng blog na ito, maaari po lamang na bisitahin ang Balik-Tanaw/Backtracks na pahina na makikita sa blog na ito. Duun makikita ang mga rati pang entries na malamang ay pagka-interesan mo pang basahin kaya’t bumisita ka na at pinauunlakan ko ng lubos kung magkokomento ka sa binasa mo. (^_^)

At isa pang paalala, hinihiling ko na suportahan mo ang entry ko sa LLM’s T-Shirt na pa-contest ni Mr.Otep ng Libre Lang Mangarap blog. PLEASE. Ang iyong komento sa ginawa kong entry ay magsisilbing puntos para manalo ako ng T-Shirt niya. Hehehe. (Makikita ang tinutukoy kong entry sa Left-sidebar ng pahinang ito. Duun sa larawan ng isang T-Shirt) (^_^)

NOTE SA KANIYANG PA-CONTEST: Para sa karagdagang impormasyon sa contest, pumunta lamang sa blog niya.

Marami pa sana akong entry na ipapaskil sa Literantado ngunit kailangan talaga ng oras ko ang aking pinopropesyon sa buhay. Di bale’t pagbalik ko sa Literantado ay mas magiging interesante ang mga ipapaskil ko dahil ang pagbabalik kong iyon ay ang pagba-blog ng tunay na LITERANTADO (ang magsulat/mag-type ng mga tunay-na-akdang pampanitikan – maikling kwento, tula, kaba-kabanatang nobela – na lahat ay orihinal na isusulat ko sa blog na ito). Ang mga sinabi ko ang tunay na layunin ng Literantado.

Maraming Salamat. Makaka-asang babalik ako sa Hunyo 27.

Hanggang dito na lamang.

Otakore Literantadodist

Literantado

Panloob at Panlabas na mga Pangarap – “Sana”


Panlabas na mga Pangarap (Mga Pangarap na Hindi para sa aking Sarili)

Mapipigilan ba nating lumala ang kondisyong Global Warming ng ating daigdig? Sana?
Sagot: Oo.

Magbabago ba ang karamihang opisyal ng Gobyerno (sa pangungurakot) o yung yaong tuta ni Pangulong Gloria Macapagal Arroyo kung wala na siya? Sana?
Sagot: Oo.

Luluwag ba ang trapiko sa kamaynilaan kapag napalitan na ng matinong chair ang MMDA? Sana?
Sagot: Oo.

Yayaman pa ba ang Pilipinas sa darating na panahon? Sana?
Sagot: Oo.

Posible ba ang mga pinagsasabi ko sa taas? ^
Sagot: Sana hindi. Imposible at malabo ang positibong sagot ! ! !
(Pansinin ang tandang-padamdam sa taas na pangungusap. Nalalayo ang tandang-padamdam sa salitang ‘sagot’. ISA ITONG SIGNUS! “Sana nananakot lang ako.”)
_________________________________________________________
_________________________________________________________

Paliwanag

Tanggapin na natin, imposible na ang mga solusyon sa mga nabanggit sa taas. Wala na’ng “sana”!

Mapipigilan ba ng sankatauhan ang kondisyong Global Warming? Sabihin na nating may sumisimpatya at tumutulong mapigilan ang mga epekto ng Global Warming – ang Climate Change pero malinaw sa ating mga mata na iilang tao lang ang mga nakikiisa laban dito. Sa nakikita ko huli na ang lahat para solusyunan ang problema ng ating mundo na ito kahit pa may kumikilos laban dito. Lahat ng kasalanan ay may kapalit at ito ang kapalit-na-kahihinatnan ng lahat. TOTOONG mawawala/lulubog ang mapa ng Pilipinas. Sana hinde, pero imposible ang iniisip mo kung batid mo man ang problemang ito. Tanggapin na natin, ito na ang kahihinatnan ng mga Pinoy. Isipin na lang natin kung saang bansa tayo pupulutin kung dumating na ang panahong iyon.

Korapsyon? Nakakasawa na pag-usapan ito bagama’t may lumalaban para sugpuin ito, e hindi pa rin ito nawawala kahit pa ganoon. Saludo ako sa mga taong lumalaban sa korapsyon kahit di naman talaga nauubos sa lipunan natin ‘to. At isa pa, sino ba ang mga nakikita nating tao na lumalaban sa korapsyon? Kadalasan mga pobre, at kakaunti lang ang mga mayayaman na nakikiisa laban sa korapsyon. Dahil dito, hindi na yayaman ang ating bansa laban sa mga ganid na ito. Walang baygon na makakapatay sa immuned na ipis ng Pilipinas. Katotohanan: Hindi naman talaga nawawala ang korapsyon, cultural habit na ito sa Pinas matagal na, magdiwang na kung nababawasan ito sa ating lipunan.

“Sana makarating ako sa iskul na pinapasukan ko ng bente minutos.” Trapiko sa kamaynilaan? “Shit, isa’t kalahating oras O_O Makati to Intramuros?” Hindi maso-solusyunan ang trapiko sa kamaynilaan. Ang arkitektura ng mga kalsada rito ay sadyang masikip. Kahit pa supilin ni Bayani Fernando ang mga iskwating sa gilid ng kalsada o siya man ang supilin natin – ganoon pa rin naman yung trapiko, hindi magbabago dahil sa arkitektura na komplikado pang marekonstruksyonan. Ang tanging solusyon lang dito ay gumamit ng kalesa, iwas rin sa usok na pampalala ng kondisyong Global Warming pero imposible naman iyon di ba?
_________________________________________________________
_________________________________________________________


Panloob na mga Pangarap (Mga Pangarap ko at Ambisyon)

  • ”Sana” Makakuha ako ng magandang trabaho, yung gusto kong propesyon (programmer/web developer/ethical hacker).
  • ”Sana” Makompleto ko ang mga model kits na kamakailan ko lamang kinokolekta.
  • ”Sana” Makasulat ako ng mga maikling kwento at nobela sa pagdaloy ng panahon na tatahakin ko.
  • ”Sana” Makapag-patayo ng mga bahay – bahay para sa kamag-anak ko at bahay para sa akin kung saan ako lang ang titira kasama ng aking magiging asawa.
  • ”Sana” Makapag-may-ari ako ng sarili kong kompanya. Ng isang software company, publishing house, at isang panederya – mga negosyong pinag-i-interesan ko magpasahanggang ngayon.
  • ”Sana” Makapag-asawa ako ng isa babae lang, yung mamahalin ako ng buong puso at buong buhay.
  • ”Sana” Magka-anak ako ng dalawa, isang babae at isang lalake; wala ng susunod pa.
  • ”Sana” Mamamatay ako ng natural yung tipong tanggap na ng mga nagmamahal sa akin at hindi na sila iiyak, at magdadalamhati na lamang sila ng may ngiti sa mukha.
  • _________________________________________________________
    _________________________________________________________

    Malaking TANONG Mula sa Lahat-lahat sa Itaas ^ : Matutupad ko pa kaya ang mga pangarap na ito kung pangungunahan ito ng distraktikong pangarap na panlabas ko? Ang pangarap sa panloob ko may pag-asa pa ba?

    Sagot: Libre Lang Mangarap.

Hayden Kho Binuhusan ng Tubig sa Senado (w/ Streaming Video). UPDATED! Sagot ni Abner Afuang sa Pambubuhos ADDED!

Ang bidyo sa ibaba ay mula sa GMA Breaking News. Kaninang hapon ng 3:49 PM. (May 28, 2009). Si Hayden Kho ay humarap ngayong Huwebes sa Senado para sa isang inquiry ukol sa kumakalat na sex video ng iba’t-ibang celebrity kinasalamuha niya. Sa hindi inaasahang pangyayari, mistulang nagkaroon ng scandal sa Senado, bakit? Bidyo sa baba . . .

_________________________________________________________________________

Courtesy of GMA Breaking News. Original video here.
_________________________________________________________________________

Ang nagbuhos ng tubig ay kinilalang si Abner Afuang na isang dating pulis. Ano ang dahilan kung bakit niya nagawa ang ganoong akto?

^ Sa totoo lang wala akong balak i-blog ang naturang isyung ito o makigaya sa ibang bloggers na nagsusulat ng kanilang opinyon tungkol sa iskandalong kinahaharap ng dalawang celebrity. Hindi na kasi bago yan e, lumala lang yung isyu kasi kilalang celebrity yung sangkot sa iskandal. Sa katotohanan marami-rami na rin akong napanood na bidyo-iskandal na nagkalat sa cyberspace na ‘di ko malaman kung alam ba nung tauhan sa sex bidyong iyun na kumakalat ito at nakamit na ba nila yung hustisya sa kabila nun?

Ngayon, siguro makikisingit na rin ako sa pag-ba-blog nito katulad ng karamihan (sabihin na nating naiinggit at naeengganyo lang ako makigaya sa pagba-blog nung naturang isyu). Nagulat kasi ako na natawa sa napanood kong flash news sa TV ngayon (yung sa taas). Biruin mo binuhusan ng tubig?! Ano motibo niya para gawin iyon? Siguro maliwanag na nagagalit siya kay Hayden Kho sa ginawa nitong kalapastanganan sa babae. Kahit ako rin kasi galit sa ganoong kalapastanganan. Wala akong masabi o ano mang panghuhusga sa ginawa nung nambuhos ng tubig, hanga pa nga ako at may taong kayang gawin ang ganoon sa ngalan ng dignidad para kay Katrina Halili. Ngunit hindi maiaalis na kailangan niya managot sa ginawa niyang kontrebersiyang aksyon sa Senado. Sana sa labas niya na lang ginawa iyon. ^_^

UDATE Sa Pambubuhos ng Tubig kay Dr. Hayden Kho
Courtesy of “Unang Balita“; a GMA TV Program
(May 29, 2009 | 07:36 AM)

INFO: Sino si Abner Afuang? – Siya ay isang mediaman. Former Police Officer. At

dating Mayor ng Pagsanjan, Laguna. May action film ring ginawa na binase sa buhay niya, noong

1988 sa pelikulang “Afuang, Bounty Hunter” at gumanap dito si Philip Salvador. (see IMDb)

Ang Sagot at Motibo ni Abner Afuang sa Pambubuhos ng Tubig kay Hayden Kho.

_________________________________________________________________________

_________________________________________________________________________

^ ^ Sa napanood ko, siguro kung may muriatic acid lang siguro siyang nakita sa Senado siguro mas pipiliin niya pa iyong ibuhos iyon, tsk tsk tsk, nakakatakot.

Kapitan Sino ni Bob Ong (Literantado’s Book Review)

Pamagat: Kapitan Sino
May-Akda: Bob Ong
Kategorya: Maikling Kwento
Publisher: VISPRINT, INC.
ISBN: 971-05450-1-9
Limbag: Abril 2009
Presyo: 175.00 php. @ Powerbooks
Akmang Edad sa Babasa: 1 – 100 specially sa mga batang mahilig bumili ng tsi-tsirya malapit sa kanilang suking tindahan.
Tantyang Oras sa Pag-babasa: Isang Upuan lamang.

Kapitan Sino by Bob Ong
________________________________________________________________________________________
________________________________________________________________________________________

Plot

Istorya ito ng pilit-to-be bayaning si Rogelio with friends Bok-bok and Tessa. Sanhi ng pagbagsak ng katawan ng ama niyang si Mang Ernesto na rapat na bumubuhay sa kanila ni Aling Hasmin, si Rogelio na ang naituring na padre de pamilya ng tahanan. Di lamang padre de pamilya kundi all around ang trabaho nito, nagtinda siya sa kaniyang sari-saring tindahan at di naglaon naluge, at naging tagabutingting siya ng elektronikong kagamitan na may kinalaman sa kurso niyang bitin (B.S.ECE) – kaya may kaalaman siya ruun, at di naglaon ano pa ba . . . natuklasan na niya ‘ATA yung superpowers niya matapos nun.

________________________________________________________________________________________
________________________________________________________________________________________

Kritiko

Ang berdugo ko para sa librong ito = CORNY ! Recommended for kids na di marunong makaalala sa bayani. Good for adults also na mahilig ngumata ng cheezum, boy bawang o kung ano pa man yun sa suking-tindahan.

Ito na siguro yung pangalawa sa pinaka-corny na libro ni Bob Ong na nabasa ko sunod sa “Bakit Baligtad Magbasa ng Libro ang mga Pilipino?” (yung “MACARTHUR” at “Alamat ng Gubat” hindi ko pa nababasa; yung “Alamat ng Gubat” wala akong balak basahin)

Kaparabang lumulundag bigla ang istorya sa bawat kabanata na nabasa ko; sabagay isa itong maikling kwento pero napuna ko talaga yung pagkasulat na daglian na dumaloy ang kuwento.

Tungkol sa kwento. Nakuha ko yung laman at ibig ihatid nito sa mambabasa pero di ko maiaalis na corny talaga ito. Corny kasi talaga e, kahit ilang beses ko balik-balikan yung ilang pahina, CORNY pa rin (40% corny, 15% tawang hindi nakalabas yung ngipin, 5% naguluhan, 40% satisfied = 100% kong natapos ang kwento ng isang araw).

Tungkol kay Kapitan Sino. Inilalarawan niya yung tipo ng bayani na mabilis na kinalilimutan ng tao at siya rin yung tipo ng bayaning martyr pero corny nga lang. Aking ipapaliwanag, huwag nating ikumpara ang bayaning si Gat Rizal kay Kapitan Sino base sa istorya na kinatapusan niya, kundi ikumpara natin siya sa mga karaniwang bayani tulad ng mga OFW (Halimbawa, isang totoong pangyayari – (1) Taxi driver nagsauli ng malaking kaban ng pera sa may-ari nito na sumakay sa taxi niya. Ibinalita sa dyaryo at telegrama, ano nga ba yung pangalan niya? Karaniwang reaksyon – MAPA, “MAlay ko PAke ko?” (2) OFW si Syuning di tunay na pangalan, tinatanggap niya araw-araw ang hirap sa Saudi sa pagmamalupit ng kaniyang among Arabyanong manyak. Tiniis niya ang hirap para lamang makapag-padala ng pera sa kanyang pamilya. Sa huli siya’y namatay ng walang hustisya. Batid ang kaniyang pagkamatay ng mga awtoridad sa embahada ng Pilipinas sa Saudi. Ano reaksyon ng mga kababayan nitong Pinoy matapos mabalitaan – MAPA, “Malay ko PAke ko?”. Kay Kapitan Sino, sa kwento parang MAPA rin. Siya na ang tumulong, siya pa ang na-agrabyado.

Kung ginawang komiks yung Kapitan Sino siguro hindi ko masasabing corny ito. Yung istorya kasi, “comical” at pedeng gawing “cartoon” sa T.V.

________________________________________________________________________________________
________________________________________________________________________________________

Mga Ilang Excerpt sa Kapitan Sino

Mula sa Pahina 113 (Excerpt)
__________________________________________________

. . . napalipad nya ng ilang metro ang kalaban.
Paaagh!
Na naulit ng isa pang beses. Paaagh!
At isa pa. Paaagh!
Lasug-lasog ang katawan ng nilalang sa banyo kung saan bumulwak ang tubig galing sa malaking tubo na naputol.

__________________________________________________

^ (lasog-lasog, kaliwang kamay lang yung putol?)

__________________________________________________

__________________________________________________

Mula sa Pahina 141 (Excerpt)
__________________________________________________
. . . Sa gitna ng mga tao, isang maputing ale ang lumapit at yumuko sa harap ni Rogelio. Ang malumanay, mabait, at nirerespeto ng lahat na si Aling Chummy, biglang sinampal ang bayani.
“Pinatay mo ang asawa ko!”
. . .
“Aling Chummy, matagal nang patay si Mang Hercules.” . . .
“Bakit hindi nya pinigilan?” malakas na sigaw at matinding pagsisikip ng dibdib ang sagot ni Aling Chummy. “Wala syang ginawa para awatin sa paninigarilyo ang asawa ko?” . . . “Pinatay niya ang asawa ko!” . . . “Ano pang hinihintay nyo? Hulihin nyo ang kriminal!”

__________________________________________________

^ (at hinuli nga si Rogelio dahil dun, naiintindihan ko kung bakit ganiyan yung linya, cartoonic at “comical” kasi ang pagkakasulat sa librong ito.)

________________________________________________________________________________________
________________________________________________________________________________________